يمِّي الجنِّــة تَحتِ إجْريــكي و العاطْفِة دَمْــعَة بْــعَينَيْكي
مِنْ قَلْبِكِ لْحِضْنِكْ نَقَل قَلْبي وعُمْري تْرَعْرَعْ بين إيديكي
**
بْعِيدِكْ يا أمّي بِزْرَع الأزهار بْجَنّة رِضاكي و عابْوابِ الدّار
وْ بِعْمِل عُيُوني فْرَاشْتَين زْغَار مْرَاوِحْ هََوَا يْرِفُّو حَوَالَيْكي
**
يََمّي إذا جْمَعْتِ السّنينِ بْعَيْنْ وِ بْعَيْنْ مالِ الكَونْ نَقْدِي وْدَيْنْ
ومِنْ لَوْحْ صِدْرِي سَحْبتلك ضِلْعَين وْ حَقّ السّما ما بْيِكْتَرُو عْلَيْكِي
**
بْعِيدِك يا أمي سْبَحْت بالتّفْكِير شو بْجِبْلك وفَضْلِكْ علييّ كْتِيْر
تمنّيْتْ حالي كُون طِفْلِ زْغِير ومِنْ قَبِلْ عِيدِك يِسِرقوني يَوْمْ
و بِيَومْ عيدِك إنْهدَى لَيكي
